如此make sense

星期五下午在鴨脷洲一間屋邨小學，和 18位小三至小六學生分享自己的故事。「八陣圖」立體肝仔好成功，真的感謝主給我這創作意念－－最重要是我一雙拙手能應付到的意念。

分享 20分鐘後有 Q & A 時間，同工早已預告，上次一位嘉賓遇到的，是「你幾多歲呀？」、「你拍拖未呀？」諸如此類的問題。分享完，我帶著充足的心理準備，預備迎接同學們千奇百怪的問題，哪知，第一條問題令我大跌眼鏡－－「你宜家好返未呀？」。

接著第二三四......條問題，令我眼鏡繼續跌之餘，心中慢慢升起感恩的心。

「你個肝生返出嚟未呀？」
「你個傷口仲痛唔痛呀？」
「你個肚啲釘仲喺唔喺度呀？」
「你點解會有肝癌呀？」

如此 make sense，如此 relevant！竟讓我可以進一步「滲入」一些大道理，good good good！

承蒙這群小學生耐著性子聽姐姐我講個 20分鐘，完後還問些如此 make sense的問題，總算鬆一口氣喇！